မျက်နှာဖုံးနောက်ကွယ်

အေးချမ်းတဲ့ အပြုံးတခုရဲ့နောက်ကွယ်မှာ

ကြေကွဲ ပူလောင်ခြင်းတွေရှိတယ်ဆိုရင်..

မင်း ယုံမလား..။

တည်ငြိမ်တဲ့ စကားတခွန်းရဲ့နောက်ကွယ်မှာ

ခက်ခဲ ရုန်းကန်ခြင်းတွေရှိတယ်ဆိုရင်..

မင်း ယုံမလား..။

ခိုင်မာစွာရပ်နေတဲ့ ခြေတစုံရဲ့နောက်ကွယ်မှာ

ပျက်စီး ပြိုလဲခြင်းတွေရှိတယ်ဆိုရင်..

မင်း ယုံမလား..။

ရင့်ကျက်တဲ့ နှလုံးသားတခုရဲ့နောက်ကွယ်မှာ

ညှိုးရော် သိမ်ငယ်ခြင်းတွေရှိတယ်ဆိုရင်..

မင်း ယုံမလား..။

ကြမ်းတမ်း ရှုပ်ထွေးတဲ့ မြစ်ကြမ်းပြင်ကို

စီးဆင်းနေတဲ့ ရေမျက်နှာပြင်နဲ့ ဖုံးကွယ်ထားသလိုမျိုး

လောကဓံ ရိုက်ချက်တွေကြောင့်

စုတ်ပြတ်သတ်နေတဲ့ ဘဝတစ်ခုကို

ဟန်ဆောင်မုသားချိုတွေနဲ့ ဖုံးကွယ်ရင်း

ဆန့်ကျင်ဘက် အနေအထားတခုအဖြစ်

ချစ်ရသူတွေ စိတ်ချမ်းသာဖို့အတွက်

ဖန်တီး က,ပြနေရတယ်ဆိုရင်..

မင်း ငါ့ကို.. နားလည်ပေးနိုင်မလား.. ။     ။

Hlaing Kyaw Tun

23-12-2024