တစ်ဘို့တည်းသမားတွေ..

တစ်ဘို့တည်းသမားတွေဆိုတာ..

ဘယ်သူတွေဘယ်လိုပဲဖြစ်ဖြစ် သူတို့အဆင်ပြေဖို့ပဲကြည့်ကြတယ်..။

ဘယ်သူတွေ ဘယ်လို ဒုက္ခရောက်ရောက် 

သူတို့ လူမှုစီးပွား မထိခိုက်ရင်ပြီးရော ဆိုတဲ့ သူတွေ..။

အသုံးလိုတဲ့အခါ ဖူးဖူးမှုတ်ထားတတ်ပြီး

မလိုအပ်တော့တဲအခါ မြေချနင်းတတ်တဲ့ လူစားတွေ..။

အဲဒီ တစ်ဘို့တည်းသမားတွေမှာ

ဘာတွေပိုင်ဆိုင်ကြလဲ..သိလား..???

သူတို့မှာ..

ပြောဆိုဆုံးမပေးမယ့် လူကြီးသူမတွေမရှိဘူး..။

သူတို့မှာ..

အားကိုးတိုင်ပင်ရမယ့် ဆွေမျိုးမောင်နှမတွေမရှိဘူး..။

သူတို့မှာ..

ဆိုးတူကောင်းဖက်ပေါင်းသင်းမယ့် သူငယ်ချင်းကောင်းတွေမရှိဘူး..။

သူတို့မှာ..

အရာရာနားလည်သည်းခံပေးမယ့် လက်တွဲဖော်မရှိဘူး..။

သူတို့မှာ..

နွေးထွေးပြုစုပေးမယ့် သားသမီးလိမ္မာမရှိဘူး..။

သူတို့မှာ..

သစ္စာရှိပြီး ယုံကြည်ရမယ့် ဝန်ထမ်းကောင်းတွေ မရှိဘူး..။

သူတို့မှာ ရှိတာက... "တစ်ဘို့ပဲ"..။

ဟုတ်တယ်..

တစ်ဘို့တည်းသမားတွေမှာ 

သူတို့ရွေးချယ်ထားတဲ့.."တစ်ဘို့"ဆိုတဲ့ အတ္တတစ်ခုပဲ ပိုင်တယ်...။

U Hlaing Kyaw Tun