အတွေးနဲ့အမြင်

တခါတလေ..

ကိုယ့်အတွက် အမှတ်တရတွေက

တဖက်လူအတွက်တော့..

အမှတ်တမဲ့ပဲ ဖြစ်နေတတ်တယ်..။

တခါတလေ..
ကိုယ့်အတွက် တန်ဖိုးရှိတယ်ဆိုတဲ့အရာတွေက
တဖက်လူအတွက်တော့..
အမှိုက်တစလို ဖြစ်နေတတ်တယ်..။

တခါတလေ..
ကိုယ့်အတွက် နာကျင်ရတဲ့ ခံစားမှုတွေက
တဖက်လူအတွက်တော့..
ဟာသတပုဒ် ဖြစ်နေတတ်တယ်.. ။

တခါတလေ..
ကိုယ့်ရဲ့ အလေးအနက်ထားမှုတွေက
တဖက်သူအတွက်တော့..
အနောက်အယှက် ဖြစ်နေတတ်တယ်..။

တခါတလေ..
ကိုယ့်ရဲ့ တဘဝစာ ယုံကြည်ချက်တွေက
တဖက်သူအတွက်တော့..
ပုံပြင်ပမာ ဖြစ်နေတတ်တယ်.. ။

လူဆိုတာ..
ကိုယ်ပိုင် အမြင် ၊ ကိုယ်ပိုင် အယူအဆတွေနဲ့
ကိုယ်စီ  ရပ်တည်ရှင်သန်ကြတာမို့..
အတွေးတွေ ဆန့်ကျင်ဘက်ဖြစ်နေတဲ့အခါ
ကြည်ဖြူစွာ..
လက်ခံနိုင်ဖို့ပဲ ကြိုးစားပါ..။  ။

Hlaing Kyaw Tun
(16.8.2024)