ဝေဒနာအရင်းအမြစ်

 

မင်းရင်ထဲမှာ..

ပြောစရာစကားတွေအများကြီးရှိတယ်..။

အဲဒီစကားတွေအများကြီးကို..

ပြောသင့်တဲ့စကားရယ်..၊ 

မပြောသင့်တဲ့စကားရယ်..ဆိုပြီး နှစ်ပိုင်းခွဲထုတ်လိုက်..။

ပြီးရင်..

မပြောသင့်တဲ့စကားတွေကို 

အတွေးထဲက  ဖယ်ထုတ်ပစ်လိုက်..။

ဒါဆို..

ပြောသင့်တဲ့ စကားတွေပဲ..ကျန်မယ်။

အဲဒီပြောသင့်တဲ့စကားတွေကိုလည်း..

ပြောခွင့်ရှိတဲ့စကားရယ်..၊ 

ပြောခွင့်မရှိတဲ့စကားရယ်..ဆိုပြီး နှစ်မျိုးခွဲထုတ်..။

ပြီးရင်..

ပြောခွင့်မရှိတဲ့ စကားတွေကို 

တနေရာမှာ ချောင်ထိုးထားလိုက်..။

ဒါဆိုရင်..

ပြောသင့်ပြီး ပြောခွင့်ရှိတဲ့ စကားတွေပဲ..ကျန်မယ်..။

အဲဒီ  ပြောသင့်ပြီး ပြောခွင့်ရှိတဲ့ စကားတွေထဲက

ပြောဖြစ်လိုက်တဲ့ စကားတွေရယ်..။

မပြောဖြစ်လိုက်တဲ့ စကားတွေရယ်ဆိုပြီး နှစ်စု ခွဲထုတ်..။

ပြီးရင်..

ပြောဖြစ်ခဲ့တဲ့ စကားတွေကို 

အမှတ်တရ သေချာ သိမ်းထားလိုက်..။

ဒါဆိုရင်.. 

ပြောသင့်ပြီး ပြောခွင့်ရှိပေမယ့် 

မပြောဖြစ်ခဲ့တဲ့ စကားတွေပဲ

မင်းရင်ထဲမှာ ကျန်ခဲ့လိမ့်မယ်..။

အဲဒါက.. 

တဆစ်ဆစ်နာကျင်ခံစားနေရတဲ့.. 

ဝေဒနာတစ်ခုရဲ့ မူလအရင်းအမြစ် ပဲပေါ့...။

U Hlaing Kyaw Tun

(10-8-2024)