ငွေထက် အရေးကြီးသောအရာ..

ဘဝအတွက်
ငွေမလိုအပ်ဖူး မဟုတ်ပါဘူး..၊ လိုအပ်ပါတယ်..။

ဒါပေမယ့် ငွေကိုသာ
အရာရာလို့သတ်မှတ်ထားမယ်ဆိုရင်တော့
ဒေါသ မောဟ လောဘ ပူပင်မှုတွေက လွဲလို့
မေတ္တာတရားရဲ့ အေးငြိမ်းမှုကို
သင်ရမှာ မဟုတ်ပါဘူး..။

သင်က ငွေကို ကိုးကွယ်သူတစ်ယောက်ဆိုရင်..

သင့်မိဘတွေရဲ့ မေတ္တာတရားတွေကို
ငွေနဲ့ တန်ဖိုးဖြတ်မိလိမ့်မယ်...

သင့်ဆရာတွေရဲ့ စေတနာတွေကိုလည်း
ငွေနဲ့ တန်ဖိုးဖြတ်မိလိမ့်မယ်..။

သင့်လက်တွဲဖော်ရဲ့ ချစ်ခြင်းသံယောဇဥ်ကိုလည်း
ငွေနဲ့ တန်ဖိုးဖြတ်မိလိမ့်မယ်..။

သင့်ဆွေမျိုးတွေနဲ့ သင့်ရဲ့ ရိုင်းပင်းမှုတွေကိုလည်း
ငွေနဲ့ တန်ဖိုးဖြတ်မိလိမ့်မယ်..။

သင့်မိတ်ဆွေတွေရဲ့ ရင်းနှီးခင်မင်မှုကိုလည်း
ငွေနဲ့ တန်ဖိုးဖြတ်မိလိမ့်မယ်..။

သင့်ကိုချစ်ခင်ကြသူတွေရဲ့ ကူညီမှုတွေကိုလည်း
ငွေနဲ့ တန်ဖိုးဖြတ်မိလိမ့်မယ်..။


ငွေက ရုပ်ဝတ္ထု ချမ်းသာမှုကို ပေးနိုင်ပေမယ့်..
စိတ်နှလုံးငြိမ်းအေးမှုကို တော့ မပေးစွမ်းနိုင်ပါဘူး..။

စားဝတ်နေရေးအတွက်
သင့်တော်တဲ့အတိုင်းအတာတစ်ခုအထိ ငွေလိုအပ်ပါတယ်..။

ဒါပေမယ့်.. ငွေဆိုတာ လိုတာထက် ပိုရှိလွန်းရင်
လူတစ်ယောက်ရဲ့ ကိုယ်ကျင့်တရားတွေကို
အလွယ်ပဲ ဖျက်စီးတတ်ပါတယ်..။

ငွေဆိုတာ အရေးကြီးဆုံးအရာ မဟုတ်ဘူး..။

ငွေထက်အရေးကြီးတဲ့အရာတွေက..

လောကီအတွက်ဆိုရင်
မေတ္တာ၊ သစ္စာ၊ ကိုယ်ချင်းစာတရား။

သံသရာအတွက်ဆိုရင် ဒါန၊ သီလ၊ ဘာဝနာ..ပါ။

ငွေဆိုတာ ဖန်ဆင်းရှင် မဟုတ်ဘူး..
သင်သာ သင့်ဘဝရဲ့ ဖန်ဆင်းရှင်ပါ..။

ငွေဆိုတာ ဒုတိယဘုရားသခင် မဟုတ်ဘူး..
မိဘနှစ်ပါးသည်သာ လောကရဲ့ ဒုတိယဘုရားသခင်ပါ..။

ငွေဆိုတာ ငြိမ်းအေးချမ်းသာခြင်း မဟုတ်ဘူး..
နိဗ္ဗာန်သည်သာ ထာဝရ ငြိမ်းအေးချမ်းသာခြင်းပါ..။

ငွေနောက်လိုက်ရင်း..
ဘဝအတွက်အရေးကြီးတဲ့ အရာတွေကို မျက်ကွယ်ပြုမထားမိပါစေနဲ့...

U Hlaing Kyaw Tun